遊MEGABOX

尋日朋友CLARE話會帶女兒津津去MEGABOX睇熊貓BB爬行大賽，我就湊湊熱鬧帶埋潼潼一齊去喇！同潼潼戴好帽仔整裝待發，佢一上車就想訓覺喇！

到喇到喇！落車喇！以前潼潼比較少出街，所以佢一出街就好鬼緊張！

到左MEGABOX。嘩！點解會咁多人既，好得人驚呀！　好彩好快都搵到津津姐姐。即刻黎個表示友好既握手儀式先。

MEGABOX真係無乜好行，最深印象就係兩條分別由1樓上5樓，同埋由5樓上8樓既長長扶手電梯。潼潼媽畏高架!!企係1樓上5樓既電梯，有D腳軟既感覺.....

仲有係佢D育嬰室真係太少太唔方便我地呢D有BB既太太喇！攪到我要周圍搵地方餵奶，實在好不滿，我以後無乜野都唔會再去MEGABOX。

潼潼玩到好"支力"喇！你睇下潼潼訓到成個大爺咁要"LON"高隻腳添！