孖辮妹的一天

上次既噴水池裝實在失禮哂，今日潼潼紮起兩條孖辮，即刻Q好多啦！為左可以令潼潼坐定定咁俾我影相，我就醒左塊餅俾佢咬下啦！潼潼，你執到啦！！

跟住我地約左婆婆去食飯。我先出發同婆婆出去辦D事，我俾左潼潼紮孖辮既相片俾婆婆睇之後，婆婆好興奮咁話要買頭飾俾潼潼。咁同潼潼會合之後，緊係即係幫佢夾上婆婆新買既髮夾啦。嘩！！睇下！！真係好靚女喎！！

食完飯之後係太古城行左陣，睇下潼潼玩具，睇下媽媽衫衫（媽媽無收穫呀！係潼潼買左玩具咋），我地就番屋企喇！

番到屋企大約四點半。呢個時候太陽開始落山，有D微風吹埋黎，好舒服呀！！咁好既環境，我決定暫時唔番上屋企住，反正屋企入面比樓下花園仔更悶熱，係樓下坐下，等潼潼可以多D望下花花草草，睇下D小朋友玩咁咪仲好！

咦？做乜潼潼既表情咁期待既？

原來夠鐘食奶，佢一見到個奶樽已經好緊張咁「烏」哂個身上前面喇！！

我一直以黎都幾欣賞我住既屋苑既管理。樓下花園仔D花會經常更換，成日都有好多好靚既花花。

咁好機會，等我幫潼潼影番幾張靚相先。

潼潼！今日既節目還可以嗎？