大腳八

潼潼出世果陣都係屬於體重偏輕既嬌少型BB，好多新買既初生BB衫對佢黎講都好大件，著得不稱身。但係或者遺傳左爸爸既高大基因，潼潼既腳仔都幾大。早前姑姐買左幾對鞋仔俾潼潼，但係因為唔係成日見，到收到鞋仔既時候，有對已經唔岩著，而剩番一對只係勉強可以著下。唯有影番幾張相留為紀念作罷。

其實BB出街都係著襪仔實際D。尋日出街先發覺原來潼潼已經無合身既襪仔，所以尋日同佢去買左幾對。粉紅色既兔仔襪係減價品，只售$39。有厘士既一對只係$10多，都抵著丫。藍色一對$20，連工人姐姐都話質地好舒服呢！希望呢3對襪仔夠潼潼著上一段日子啦。