每次行去海港城睇潼潼既玩具/用品既時候,都會經過一間叫"BASS"既鞋店,從外望入去,都覺得款式還可以,最主要係看上去好似幾舒服,四五百蚊一對都似乎還可接受,不過幾次都係過門不入。
今日諗住去玩具反斗城,又經過呢間鞋店,終於忍唔住入去睇睇。試左一對鞋,一試之下就發覺佢地D鞋著落去真係比自己以前買既鞋舒服好多,尤其是生完潼潼之後,對腳就大左,即使之後有買過D新鞋,但係依然係著得唔舒服。所以今次忍唔住,一買就買左兩對,一對五百幾,一對六百幾。老實講,我好少買鞋會買到呢個價錢,今次竟然大刀闊斧,實在奇怪,我都唔明白自己今日發左咩癲。
番到屋企,今日老公又走左出街,所以無被發現,我亦唔敢俾佢知我一次過買成千蚊鞋,直接將鞋放左入鞋櫃算了,哈哈!唔知幾時會被發現呢?另外,我發現原來呢兩對鞋都比我以前既鞋都高,但著落去又唔覺好辛苦喎,唔通真係貴得有道理?
BASS d鞋係幾好架, 我以前做女個陣都有買佢d鞋著。不過真係幾貴! 而家唔捨得買啦! 佢季尾都會有減價, 可惜我腳細, 減價通常都唔會有我碼!
回覆刪除我以前除左買boot之外,印象中都買過咁貴既鞋。不過唔知係咪生完之後對腳厚肉左,之前雖然都買左d大size既鞋,但係都覺得好逼,但係今次買bass真係第一次著都已經好舒服。其實我都係買減價貨,都有我size喎.......
回覆刪除我生完對腳都大左! 我以前未生著4號, 而家著5號 但仍然係好難買鞋...
回覆刪除BASS既鞋唔知係咪編號唔同既呢?我生完之後出面要由6號轉著7號鞋,但係BASS都係著番6號就可以喇。
回覆刪除下,係架,生完隻腳會大d架!咁到時我咪好大隻腳!而家都著8-9號架啦我!
回覆刪除