加薪工作

看到朋友網誌上的標題 - 加辛工作，就想起了我的「加薪工作」。

係而家呢間公司工作初期，公司只有我一名員工，所以做既由最初apply既船務人員，慢慢的連行政工作﹑會計工作﹑甚至老闆的私人財務，都由我一手包辦。做的範疇多，加上新職員一名，我做的比老闆預期的多，佢對我的表現亦非常滿意，所以做滿一年既時候加薪幅度亦非常可觀。

所謂「創業容易，守業難」。開始時由零開始，要黎一個大躍進當然容易，但之後想再有突破就困難得多。今日午飯後就俾老闆召見，覺得我既表現係呢一年未有更突出既改進，希望我可以係年底review人工之前可以有更出色既表現。不得不承認，小錯誤偶有發生，或者在小處上過於大意。但需知而家既工作亦唔係我既「老本行」，而且要面對既再唔係以前既一板一眼，而係真真正正既係每一件小事情上為公司利益設想。係呢一個大前題之下，要做既工作似乎有點抽象。 就如佢所講，而家佢所要求我做既野係好難量化。

其實我都知道年底要review人工，亦諗過想搏印象分而希望係短期內再報讀一d課程。不過今次老闆開到聲施加壓力，感覺亦不太好受。要知道當初由舊公司轉到新公司，都因為舊公司對我太有要求，估唔到而家又要再面對同一個問題，只係慶幸而家老闆既態度比以前的好。果一刻我心裡想：如果我可以選擇，我寧願做一個普通職員，我寧願每個月賺的人工較低，我真係唔想有承擔。不過而家並唔到我揀，我只有努力的去做我既「加薪工作」－－ 為加薪而工作。