今日潼潼又要番健康院檢查喇！由於潼潼係o係私家疹所度打防疫針既，所以今次番去健康院主要係睇下佢既發展係咪理想。bb每次番健康院，就好似通過一次既考試咁。 
姑娘首先問左潼潼飲食方面既情況：潼潼而家每日平均係三餐奶粉，每餐大約6安，另加兩碗粥，粥仔仲有添加其它種類食品添。姑娘話都唔錯喇！
跟住又測試下潼潼既手仔，唔錯呀，都會用手握姑娘遞上既玩具，不過姑娘就話要開始訓練下佢左右手互換玩具。跟住又試下俾潼潼自己坐係度同埋扶住佢企，腰同頸仔都好夠力，順利過關。
最後問佢識唔識講一兩個單字，呢方面潼潼就比較差勁，暫時都未有發現有咩單仔係佢會講。
姑娘叫我地同佢講多d野喎，話見佢都好靜。姑娘，你俾潼潼欺騙左喇！佢係屋企真係好鬼嘈，不過佢太怕生喇。
今次去健康院唔包括磅重項目，我地自行抱左潼潼上磅。有7公斤呀！即係15磅半 - 即係體重曲線上由以前既25-%10%躍升至50%-25%，實在太好喇！！！
總括潼潼今次既「考試」結果係合格既，只係要訓練佢講野同將物件交換手去拎。潼潼努力！！
俾 佢 睇 多 d tv 得 唔 得 嫁?
回覆刪除yee, 姑娘比潼潼d comments 真係唔錯喎. 其實小怡自從上次講過一次 奶 同類似媽gar發音, 之後都冇講過. 只係呀呀的叫着. 但我唔會再心急了. 順其自然會好好多. 姑娘都話小怡坐都ok, 企時對腳好夠力. (但我自己佢條頸唔多夠力呢!) 姑娘冇叫我要點做, 只係比份資料我返屋企睇咋! 咁, 希望兩個期後我可以開始幫大. 小怡追回進度啦!
回覆刪除JPG~ 我盡量唔俾佢睇咁多電視架，小朋友睇太多電視唔好嘛。 怡怡媽~ 係呀! 我睇D書都話要小朋友做得好，最先係我地要相信我地既小朋友係100分既。
回覆刪除