自助餐

今晚去食自助餐既呢間餐室位於尖沙咀海防道盡頭一間酒店既地牢。今次再上係因為大約一個月前去過，覺得唔錯，所以見到報紙有八折coupon而再番叮既。本來都無諗住寫blog介紹今次既自助餐，而引起我寫blog係因為呢隻我地食食下野佢送埋黎既龍蝦。

雖然隻龍蝦係幾靚，但係你地唔好以為我想讚佢隻龍蝦，其實我係想話，我地上次黎食果陣佢d龍蝦係放係度任拎任食，而家變成配給的每人半隻。

跟住呢個印度薄餅勝在夠脆

呢三件野，最右手邊講起既，分別係龍蝦腐皮卷同埋酥皮海鮮盒，最左手邊既我無食，唔知係乜東東。

呢個係無人食既燒牛肉，事關佢一早切好哂擺係度，所以無人去拎黎食架！食落去唔熱，又韌韌地，好彩都叫仲有Ｄ肉汁。

呢三件甜品係杏仁榛子蛋糕﹑抹茶蛋糕，同埋意大利芝士餅。芝士餅比較淡口，岩我口味，榛子好香，但有人嫌佢太多CREAM。


最後係我最喜愛既雪糕.................「筒」，我愛佢既蛋筒，不過雪榚無上一次咁多款式。

總括而言，同上一次比較的話係有點失望，唔知係咪因為上次無乜要求，今次又太大期望，我個大人不滿佢無上次咁成日換款，而且龍蝦無得任食，覺得無咁抵。

賣單兩個人唔駛HKD500大元(折後價)。抵唔抵呀....?? 我諗都係見仁見智......