Yahoo突然宣佈未滿13歲不能註冊使用Yahoo blog服務令我頓時亂了陣腳，一時間對「Yahoo blog」進退兩難，唔知繼續還是放棄好，攪到無心機寫blog。
現在仍在努力中，希望有轉機罷!!!!
由於YAHOO失驚無神改規矩，升級版既YAHOO BLOG唔接受「13歲以下兒童」使用，而潼潼媽係登記帳戶時只係胡亂填報資料，所以而家我仲未夠13歲，YAHOO BLOG唔知仲可以用到幾耐。
無辦法之下又唔捨得一眾BLOG友，唯有係YAHOO再申請個新帳戶。潼潼媽+潼潼既BLOG將會搬到以下網址。
http://blog.yahoo.com/chloemama
而家陸續將舊既網誌以龜速搬去新網址，而新既網誌亦會兩邊同時UPDATE。希望可以順利過渡啦!
唉... 真係大件事 !!!!!好彩之前做左網誌備份，不過跟住要做既係乜呢? 之後仲要唔要UPDATE BLOG呢?我真係唔知道!「
最近YAHOO BLOG既熱門話題當然係升級問題，潼潼媽嘗試過好幾次按「了解詳情」，都只係彈左句「根據Yahoo! 兒童保護政策，未滿13歲兒童不允許註冊使用Yahoo! BLOG」既句語。有時見到已升級既BLOG，想回應又回應唔到。左思右想，再去小編輯度睇睇，終於知道發生咩事。
原來申請YAHOO A/C時填寫既出生日期，將會用作定義BLOGGER既實際年齡。可能我申請YAHOO A/C時只係除意填寫，所以做左人阿媽既我而家係未夠13歲，YAHOO唔容許我寫BLOG。
想更正番資料嗎? 原來YAHOO係唔俾更改呢方面既資料。咁我要點做呢? 我一定要開個新A/C填一個大過13歲既出生日期囉! 但係咁亦都代表我之前寫既網誌無哂!!!!
噢!!!! 天啊!!!! 五年多既心血...................... 由大肚到潼潼而家四歲半.......... 九百多篇既網誌............... 終於都因為YAHOO既升級終止我既寫BLOG生涯喇!!!!!
受唔住靚相既誘惑，潼潼媽又買左新玩具喇！
呢部SAMSUNG NX100係潼潼爸推介既，係可換鏡DC中最平，爸爸話以呢個價錢抵玩喎！
好! 試下機先!
呢張係用CANON S90影。
跟住係NX100 + SAMSUNG 20-50mm變焦鏡
最後係NX100 + NIKON定焦鏡
咁樣比較，其實CANON S90出黎效果都唔錯，只係NX100可以做到淺景深既效果，亦都無S90既偏色問題。不過我未係好習慣扭鏡頭黎ZOOM鏡。
呢部機仲有其它濾鏡既FUNCTION可以玩下。潼潼見我試機又扮個鬼臉要我幫佢影。
呢個就係魚眼效果。嘩~~ 好得人驚呢!!!
雖然買左新玩具，不過我未打算捨棄S90。我諗平時出街都係帶番S90，真係出去玩樂影相先會帶新機。希望到時會影到多D滿意既相片啦!
之前都有諗過想再添一個寶寶，不過礙於經濟上既考慮，所以取消呢個念頭。不過隨住潼潼逐漸長大，呢個念頭又再萌生。
其實想再添寶寶，主要都係設想到潼潼既將來。潼潼漸漸成長，開始感覺到佢要有個伴陪佢玩，大人同小朋友玩既野始終唔同，而我自己亦自覺無咁多精力陪潼潼玩。另一個考慮既係希望當潼潼成長後，有多一個人同佢一齊承擔家庭事務同開支，有多一個人同佢有商有量，唔駛佢一個人咁吃力。最後，即使將來我倆老去以後，潼潼身邊仍然會有佢既「親人」 -- 一個同佢親近既人，血濃於水嘛。
但係潼潼爸亦講得無錯，除了經濟上既考慮以外，我想再添一個寶寶，原因都全是為了潼潼。但係如果我真係再添一個寶寶，根本無咁多時間兼顧到兩個孩子，若果到時反而因此冷落左潼潼，根本係適得其反。
中秋當晚同追月夜，潼潼識自己主動搵其它小朋友一齊玩，令我有點安慰。
不過今晚同潼潼到厚德村參加佢地既週六歌舞小聚時，當時有好幾個小朋友係度，其中有三個小女孩手拖手係樓梯度走，潼潼亦跟住佢地走。不過其中年紀較大的一個拒絕其它小朋友參加，仲同潼潼講：「我唔同你玩呀！」
潼潼傷心地同我講：「佢地唔同我玩呀！」我再問另一個小女孩，佢依然拒絕潼潼參予。我只好問另一個小男孩，佢願意同潼潼一齊玩，兩個就手拖手的走了。
不過想起潼潼講「佢地唔同我玩」時既傷心既表情，實在令我感到難過。
曾經都幾喜愛食BURGER KING，不過怕潼潼食太多垃圾食物，所以都好少去。
呢日再去BURGER KING，發覺粗薯條竟然唔見左，變成同麥記一樣既幼身薯條。而包包亦都好似縮左水。
好失望啊! 以呢個價錢，咁既質素。我放棄BURGER KING喇!!!! 
嘩！係室內既農莊，岩哂怕曬既媽媽。爸爸！出發喇！
「親親動物農莊」的一班主角，包括山羊、駿馬、小馬、兔仔、鸚鵡等，將於7月30日至8月1日走到亞洲國際博覽館，在全港首個室內動物農莊的舒適環境下，跟大小朋友作一次近距離接觸。
日期 ︰7月30至8月1日
時間︰上午11:00至晚上6:00
地點︰亞洲國際博覽館Hall 5
主辦︰亞洲國際博覽館
查詢︰3606 8880
網址︰www.asiaworld-expo.com/happyfarm
「親親動物農莊」分兩種套票，40元的「吃喝玩樂套票」（大小同價，3歲或以下免費），包括入場券、一份基本動物飼料、5元餐飲現金券和10元攤位遊戲現金券，另還包括一張機場快線小童免費即日來回香港、九龍或青衣站至博覽館站的優惠券（適用於3至11歲小童），只需憑預購的套票於入閘前往香港、九龍或青衣站之客務中心辦理手續即可乘搭；至於「全天候玩樂套票」，成人120元、小童70元，除上述優惠外，可額外暢玩昂坪360來回纜車（標準車廂）
D賊太過份罷，只為左百多元就害了一條人命，破壞一個幸福家庭。睇到個六歲小朋友咁可憐真令人好心疼。
(星島日報 報道)「願受助人可長命百歲，珍惜姊姊捐出的器官。」芭蕾舞校校長徐滿芬慘遭悍匪扑頭斃命，家人悲痛之餘仍發揮無疆大愛，捐出死者器官遺愛人間，只保留其「靈魂之窗」，盼死者仍可在天國遙望在世家人及學生。院方昨將死者肝臟及兩個腎臟移植予三名病人，死者弟弟希望受助人珍惜其姊心意。記者：邵燕霞
徐滿芬遺愛人間，捐出器官救活三人。遇劫重傷昏迷五天的芭蕾舞蹈家徐滿芬，延至前日宣告死亡，其夫及一對年幼子女悲慟不已，但仍表現堅強，年僅六歲的幼女十分懂事，未有哭鬧，近日仍堅持綵排由媽媽負責，準備在下月公演的芭蕾舞劇「灰姑娘」，完成亡母心願，但小孩靜下來時憶起亡母，便獨自偷泣，令親友極為心痛。
今次升級，亦引發不少BLOG不安情緒，擔心之前寫落既BLOG會有部份唔見左。
，買衫買鞋媽咪都會自動津貼多少。