第一次轉手&轉身

唔知係咪潼潼既第一次，不過起碼係我第一次見到。

今日見到潼潼識得將物件由左手交去右手喇！潼潼係慣用右手既，左手係方向上既控制係比較差架。我將佢想要拎既物件放係左邊，要佢用左手拎，跟住佢會拎住然後交俾右手喇！雖然唔係咁暢順，不過總算成功。

之後潼潼眼訓，我就將佢放係我張大床度，但係佢始終唔願訓，係床上面碌黎碌去。佢今日終於完成「超級無敵大長碌」喇！佢以前將自己翻轉以後係唔識反翻轉訓係度，但係佢今日終於識得反翻轉喇！潼潼都好開心呀！係咁連續轉左兩個圈，好似玩緊以前掌門人既「超級無敵大長碌」咁！仲有，佢唔再係只向右邊轉，亦開始可以向左邊轉身喇！只係未能夠反翻正囉。潼潼又有進步喇！！！　

由於當時準備俾潼潼訓覺，燈光太暗，所以無拍video..... 只有貼番兩張相補番數啦

睇唔睇到潼潼有咩唔同左呢？睇唔到？再黎多張丫！

睇到未？係呀！姐姐幫潼潼紮左條辮仔呀！哈哈哈！！怪模怪樣的。