有心為難?

尋日心情差得回家後都沒有碰過電腦。

星期一收到美國總公司電郵，尋日臨放工既時候走去老闆度，同佢討論一些關於簿記的事情。期間又有客人到蒞而有所耽誤，討論完畢後時間已經唔早。老闆果時叫我發一個電郵回覆以確認一D事情。要知道我英文水平並不高，要長篇大論的回覆那一大堆問題可要花上好一段時間，因此當時沒有多想就推說：今日未覆到住。其實我係打算第二日用較充足既時間去堆砌果個電郵。

之前都提過，我老闆希望我有再進一步既表現。唔知係咪因為咁，聽到呢個答案而感到有所不悅而有心為難，竟然打電話俾美國同事，傾過一Ｄ事情後，要我等佢地再出電郵黎回應幾個問題。我心諗佢地美國先剛開工，要等佢地電郵要等到幾時呢？最後一等就等左差不多一個小時，期間無無聊聊的只係等。最後都係等唔到佢地再發電郵，唯有由我發出電郵希望佢地回覆。

咁樣攪完一輪都已經夜晚九點，我趕著想番屋企餵潼潼最後一餐奶，呢個係我一直想堅持要做既。我急得電召的士番屋企。可惜番到屋企已經十點幾，潼潼已經訓左喇。我果刻真係好唔開心。　

我明白出黎做野始終要向公司交待，唔可以每每只顧住屋企小朋友既事。但係始終係已有家室，心有所牽掛亦在所難免呀！況且我好明白呢件並非甚麼緊急既事情。如果真係要趕著做既，我最初放完產假剛上班既時候，都一樣每晚加班至十一點多先番屋企，我亦唔係咁不分輕重罷！

而家咁樣，正正去到雙輸局面：既不得老闆心，又見唔到潼潼。

今日番到公司，見美國果邊無任何回覆，心裡更加不甘，整天都不是味兒。好無MOOD呀.........