我愛吾家

我而家住緊將軍澳呢個屋苑係2004年年底購入，轉眼間住左差不多三年喇！揀左呢個二手居屋單位，主要係想搵大少少既單位，而當時又銀根有限，係符合一切條件下就買左呢度。對於周圍環境倒沒有多大留意。

不過我真係越黎越鐘意住係呢度。我住既屋苑要步行至地鐵站大約需時10至15分鐘，話雖比較遠，但就有自成一角既優勢，空氣比較好，環境又比較寧靜。而屋苑入面既環境我都好滿意。

呢度有棵唔知乜野豆豆樹，只知道春夏時候會有豆豆吊落黎，好得意架!

我成日覺得夜晚時候，昏黃既燈光係豆豆樹既樹葉間之間映照出黎景色係最靚既，只可惜我攝影技術唔好，影唔到個效果。　　　　　　　　　　　　　　　　　　　

呢個噴水池係今年初先購入架，雖然我成日話呢個噴水池流水唔靚，好似倒瀉水咁，不過老實的說，感覺也不俗呀!                                  

呢度圍哂圍板既，就係屋苑所謂既「羅馬廣場」，呢個屋苑好多活動都會係呢度舉行。而家進行緊翻新工程，好快又有一番新景象喇！　　　　　　　　　　　　　　

我所住呢楝大廈樓下有棵大樹，我都好鐘意呢棵大樹，佢生得好茂盛好靚，係下面抖涼唔錯呀 !

呢度係大門口，無錯，我係住第二座既！每座大廈既大堂係我搬入黎之前已經裝修過哂，入面既裝潢好靚，門口仲可以用八達通DO DO開門添！　　　　　　　　　

側邊有斜路進入大廈，方便到坐輪椅﹑搬運同我地用嬰兒手推車既人士。

係咪好唔錯呢？最緊要係佢做咁多野全部都唔駛業主夾錢。我成日諗，如果我有錢要搬，都會搬番係呢個屋苑既其它大單位。只係有時食多左大頭菜，就發下白日夢：如果可以加建埋一個泳池咁就PERFECT喇！