曾經都睇過一D理論話做母親對自己嬰兒既喊聲會特別敏感，所以BB一喊，最快反應既會係母親，呢個係天生，自然會出現既母性既表現。
雖然平時我都係永遠第一個聽到潼潼喊去睇潼潼，不過我最多只係當自己耳朵比較靈敏。不過自己尋晚既反應真係有少少嚇親自己。話說尋晚剛入睡，訓到半夢半醒之際，潼潼唔知點解喊左一聲。其實都無乜特別，好多時BB都係咁，可以訓訓下喊，又可以訓訓下笑。但係我唔知係咪神經過敏，竟然俾佢果一聲嚇到成個人彈起。如果佢繼續喊的話，我諗我真係會彈起身去睇佢咩事。
唔知呢D係咪就係血脈相連既關係呢？
因為佢發夢囉. 夢見開心會笑, 夢見唔開心會喊架. 母愛, 妳gar反應係母愛gar反射, 係絕對正常架好媽媽嚟架.
回覆刪除WAH..... 咁 你 會 好 易 唔 夠 訓 嫁 WOR...
回覆刪除有時都會架，佢有時半夜醒左我都會起身拍拍佢或者抱一抱佢。不過佢都唔會扭太耐，太耐的話我會叫姐姐幫手喇!
回覆刪除