今日係開課日，昨晚九點多鐘開始叫潼潼訓覺。潼潼話要先砌好正在砌既砌圖。好! 要執拾好玩具好正確啊! 過了九點半，叫佢訓覺，佢又話要食生果。食生果有益呀! 好罷! 食完生果，刷牙洗面。入到房十點多鐘! 開始講故事﹑做運動﹑做按摩，可以訓喇! 但係不愛睡既潼潼就係一直都悶在床上未訓著。都十一點喇，仲話肚仔痛要去便便
。最後訓著的時候猜想也差不多十二點吧? 
深怕潼潼唔知醒，點知七點多鐘自己起床。隨後仲要係自己要脫掉衣服換校服﹑自己要穿襪穿鞋。很好啊! 一路都好自動自覺呀! 潼潼準備好出門既時間比爸爸媽媽還要早呢!
今日番學只係一個鐘頭咋! 一入到課室門口，老師就會叫潼潼個名喇! 果然專業呀!不過呢，一班30個小朋友，課室好似有點擠。
之後老師開始同小朋友玩遊戲，潼潼亦算投入。
放學喇! 呢個就係放係學校門口大堂既叮噹轉轉杯，所以潼潼成日叫呢間學校做「叮噹學校」就係咁解喇!
潼潼好乖好自動自覺呀
回覆刪除呢隻杯好正呀, 小怡好鐘意叮噹架, 佢話 : (媽咪, 妳下次買一個叮噹杯比我啦!)
[版主回覆09/09/2010 00:18:00]隻杯真係好得小朋友歡心架!!
升咗班，大個女，可以樣樣事自己做，叻叻！
回覆刪除[版主回覆09/09/2010 00:15:00]佢而家都成日話自己大個囡，要點樣點樣。
妳就好啦, 潼潼已學會自動自覺; 而我子Q到現在都未會. 唉...真係唔知佢幾時先至做到......
回覆刪除[版主回覆09/09/2010 00:14:00]可能因為悶左成個暑假，太期待「叮噹學校」，所以先咁自動自覺。