今日又同潼潼去影樓影相。
又影? 幾個月前先影完，潼潼媽傻左影上癮？非也，只係 潼潼媽得到舅夫贈送既攝影禮券，不過因為只限於平時使用，而潼潼媽約時間時又無留意原來今日係中秋節，所以就book左今日去影相喇!
一分錢一分貨，個套餐原價要三千幾，攝影師幫潼潼影相時真係好專業。潼潼媽好期待今次影出黎既相。
影完相就去沙田同嫲嫲食飯。
今年都算天公告美。尋日剛打完３號風球，整日落雨都落得好兇。天文台亦預告今年中秋難以見到月光。但到今日呢？只係落住毛毛雨。到晚上亦都停左雨，仲偶而會見到月亮探頭出黎添。
而因為尋日落左一整日雨，今日天氣都涼快好多，玩起上黎比去年舒服好多。（記得去年中秋晚上天氣悶熱極了）
潼潼係從沙田回家既程途中小休一會，番到屋企樓下見到有得玩就即刻醒哂！仲叫住要買螢光棒。最初係要求用螢光棒砌成佢最喜愛既波波。
後黎見到其它小朋友有靚靚蝴蠂，貪靚既潼潼亦都要做蝴蝶喇！
屋企樓下真係好熱鬧，連潼潼都玩到十二點幾先番屋企呢！
點解剩係妳哋嗰邊至有月亮0既?
回覆刪除隻蝴蝶好靚呀! 等我哋今晚都做翻隻先!
[版主回覆09/25/2010 01:44:00]我地九點半係沙田搭車番屋企，沿路都見到個月亮喎!
蝴蝶係好靚架，好受小女孩歡迎呢! 最後有無整到呀?潼潼追月夜都再整左隻玩呀!
尋日朝早仲落住雨，好在夜晚一滴雨都無，天氣仲好涼爽，玩得好舒服，夜少少啲雲散開咗仲見到靚靚月光，我地係公園玩到11點幾先返屋企，真係盡興。
回覆刪除[版主回覆09/25/2010 01:45:00]我記得去年想去維園都因為太熱而取消呢個念頭。今年好呀! 好舒服。
本來諗住做隻蝴蝶去追月架, 點知屋邨搞咗個花燈會, 我哋個個顧住猜燈謎就乜都唔記得咗呢!
回覆刪除又諗改噚晚做啦, 但係家姐學校開家長會. 講座..., 今年我哋同蝴蝶無緣, 明天再戰......