潼潼3歲8個幾月大，潼潼媽諗起一d潼潼既瑣碎事，怕日後忘記，還是先記錄一下。
潼潼自細俾媽me讚得多，有時候自信心大到有點自大。
好似有時潼潼睇到係blog上自己既相片時會話：「我笑得好靚呀！我真係好叻呀！」
對於潼潼會既野，當潼潼媽問佢：邊個教你架？佢既答案永遠係：我自己識架囉！
潼潼又好大膽，最近見佢由第二級樓梯跳落黎，呢個囡有時成個男仔咁百厭。
另外，潼潼媽為免潼潼學錯師，從前都無刻意教潼潼英文生字。不過番呢個幼稚園後，潼潼都開始學懂一d英文生字喇。我所聽過既有DOG, CAT, CAR 同埋PENCIL。另外知道佢識BUTTERFLY，不過就唔肯定係兒時既光碟中學到還是學校教既呢?其實潼潼對英文唔抗拒之餘好似都幾有興趣，希望佢學英語唔會有問題罷! (潼潼媽自己英文唔叻，所以好似特別擔心呢個問題 
)
：「我笑得好靚呀！我真係好叻呀！」==>
回覆刪除咁得戚?
回覆刪除[版主回覆09/28/2010 23:42:00]哈哈~~ 或者佢未真係了解到卦，我成日讚佢叻佢咪又話自己叻囉 ! 希望大個d唔會係咁啦! 我都要盡量學下少用「叻」呢個咁虛泛既形容詞先得喇! 不過「叻」係最唔駛諗既讚美詞，所以成日掛係我呢個懶媽媽既口邊。
小朋友有自信係好事。
回覆刪除[版主回覆10/01/2010 00:33:00]係呀~ 係培養小朋友既自信心係一個重要既課程。