COOKING潼潼

可能潼潼媽對買玩具太嚴謹，相對比較喜歡買故事書。中秋果日行街時爸爸提醒媽me話潼潼近黎無乜新玩具玩。於是我地同潼潼去反斗城物色玩具喇！

最初潼潼揀左洋娃娃，媽me覺得果d換衫公仔對於潼潼黎講太細件，佢幫唔到公仔玩衫之餘，d配件會好快唔見哂。於是再俾其它玩具潼潼揀，最後潼潼攪左一套整野食既玩具。

第二日開工喇！首先加入100ml既cream

再倒入15g既砂糖

加一隻全蛋後攪勻佢

倒入模具入面

媽me已經俾個托盤俾潼潼，諗住佢倒瀉都唔會太難善後，等佢可以嘗試同享受一下由自己製作食物既過程。不過潼潼都唔敢自己動手，每個步驟都要大人幫佢手。

製好後冷藏兩小時就完成。可能因為cream打得唔夠耐，製成品失敗左，最後要雪入冰箱等佢凝固。雖然係咁，潼潼依然好期待佢自己親手製既食物。

結果呢?其實味道真係唔錯架! 潼潼對自己既製成品非常滿意，仲不斷催促我地要食佢整既食物添。

無呢套玩具既都可以依呢個份量自己整黎試下。只係呢套玩具入面有模具，同埋有其它建議食譜俾你可以加入既其它配料製作唔同既口味。