潼潼媽想起一D又寫一D。
時代唔同,由潼潼出世到而家,佢無俾我地打過幾多次,通常都係向佢訓話說道理。或者因為咁,小朋友都學會道理多多。
9月25日 星期六早上
潼潼媽係洗手間
潼潼係外面叫 : 「媽me,你未收番好電腦同凳呀 ! 」
潼潼媽年紀大無記性,唔太肯定,向外一望 : 「係咩? 唔係呀! 收好左呀!」
潼潼 : 「係我幫你收好囉 ! 下次你要自己收好知唔知呀?」
潼潼媽 : 「哦! 知道喇 !」
又有時,當我係筆筒拎起支筆黎用既時候.....
潼潼 : 「呢支筆我架喎 ! 你用支筆要問我先架 ! 」
潼潼媽 : 「咁可唔可以借支筆我用一陣呀? 」
潼潼 : 「好啦 !」
潼潼媽 : 「唔該 ! 」
潼潼 : 「唔! 乖喇 !」
假日朝早,爸爸遲遲未起身。
潼潼 : 「爸爸!! 起身喇!! 快d起身啦! 你訓左好耐喇! 」
當潼潼認為爸爸唔岩既時候
潼潼 : 「你曳呀! 我唔同你講野呀! 我好眼訓,我要訓覺呀! 」
哈哈哈~~~
回覆刪除(Empty)
回覆刪除哈哈,潼潼好似同媽咪調轉咗身份咁既?
回覆刪除[版主回覆10/01/2010 00:29:00]岩! 再大個d都唔知點算。
咁老積既? 唔似咁細個小朋友識講既野wow , 肯定是聽爸爸媽媽講道理講得多
回覆刪除[版主回覆10/01/2010 00:32:00]係呀! 有時聽小朋友講野就知父母點同佢講野。而家咁樣,總好過有時聽到小朋友講不禮貌既說話。