潼潼說話好會執生,有時都唔知算唔算係好事。
以前我問潼潼鐘意邊個,佢會答鐘意姐姐同媽me;對住爸爸既時候,又會識答話潼意爸爸。之前亦有篇網誌寫過潼潼會為自己想動手打媽me而解話。今日又有「新作」
潼潼用匙「不」蛋撻食既時候,「不」極都「不」唔起,於是欠缺耐性既潼潼又發脾氣。
潼潼:「呀~~ 呀~~ 不唔到呀~~~」
潼潼媽已經提醒過潼潼好多次,又乜野唔順心既事情都唔需要呀呀聲叫,只需要講。一係自己努力嘗試,或者請大人幫手。
潼潼媽:「仲乜又呀呀呀咁叫?」
潼潼立即給我回答:「我呀呀聲咁唱歌唶!」
對於潼潼咁強既應變及執生能力,不善辭令既潼潼媽真係無言以對。
潼潼好似我個姪女, 發展落嚟我個姪女聰明得嚟心哋好又好肯讓人. 其實佢哋識執生唔只係叻咁簡單, 而係一個人生存所需0既重要條件之一. 有時如果感覺佢"死撐", 不妨笑住回應一吓咁篤爆佢, 等佢知道佢走唔過媽咪法眼冇得整古做怪. 但係, 千祈唔好扼殺佢.
回覆刪除[版主回覆09/28/2010 00:40:00]承你貴言啦! 我d育兒書無講呢d case我就唔識見招拆招喇!