今日叫潼潼刷牙洗面時，佢卻堅持要睇卡通影片。潼潼媽話刷完牙先睇碟，潼潼就話要睇完碟先刷牙（又講數
）。同佢堅持左一陣，然後．．．
潼潼媽：如果你而家刷牙，刷完牙我陪你一齊睇碟；如果你睇碟先，你就自己一個睇，我唔陪你架！
潼潼揀左睇碟先。
之後開左VCD，潼潼睇碟，潼潼媽就番入房睇書。期間潼潼彷彿試探我咁係度大叫：「媽媽~ 呢個好醜樣呀！」
我無理會佢。
之後等播完隻碟（其實隻碟好短），潼潼大叫：「睇完喇！！媽媽~ 睇完喇！！」然後仲自己關上影碟機同電視機，搵埋我一齊去刷牙添！
我都唔知咁既「解決方法」係咪正確，抑或有更好既做法呢？
津津都會咁架, 大家堅持都無好處. 無大礙既我都會讓下佢既. 由得佢睇完先刷囉, 咁當然就梗係睇完就一定要刷啦! 因為佢應承左架嘛。
回覆刪除如果佢唔係唔肯做，只係想遲啲先做，佢肯同你講，又真係講過算數，之後真係做到，我覺得稍唯退一步都係一個好方法。
回覆刪除而且佢都識節制，睇完就真係唔再睇。
兩位姨姨，潼潼而家「變本加厲」，凡事喜歡「講數」出主意，我諗呢個情況會有排玩。
回覆刪除