多謝大家關心，潼潼已經出院喇！其實一早知潼潼唔會有咩事，只係心痛佢所受既皮肉之苦同心理上所受到既傷害。
潼潼最初入院時我地乜都無準備，所以佢不斷咁喊話要出院。下午我再番去時就帶左D玩具過去俾佢玩，潼潼先精靈番有番D笑容。不過一靜落黎就會話手痛，又話要番屋企，唔要留係度。話俾佢知要係度訓一晚，佢就不停喊住咁話唔好，唔要留係度，要番屋企。之前潼潼肚痛時自己嗌住要睇醫生，而家一見到類似醫生物體就喊，話唔要醫生。
今日係醫院等左好耐好耐，終於可以出院喇！潼潼番到屋企當堂變番一隻馬騮，不過感覺上佢係扭計左。希望遲D會好番D啦!
呢個係正常反應. 過渡期啫!
回覆刪除[版主回覆01/25/2010 00:21:00]好彩過渡左一兩日咋。呢一兩日變左黐姐姐多過黐我。
知到都心痛, 好彩潼潼無事!!
回覆刪除[版主回覆01/25/2010 00:21:00]係呀!有時見到佢手仔個針孔印都仲有D心痛。
好快d印就會啦, 唔駛擔心! 津津出世個陣都種過, 一邊手用得太耐, 仲轉去另一隻手! 我見到都好心痛架, 好彩佢大個d印都退左。
回覆刪除[版主回覆01/26/2010 00:32:00]我都明白印會好快散，只係做阿媽既一定心痛!