忽然長大

潼潼就快3歲，呢幾日講野好似突然大個左，有時仲會語出驚人，無諗過潼潼會識得講呢D說話。

 

叫潼潼唔好企係電視櫃前面玩。

潼潼：「呢度係俾我玩架嘛，唔係俾你睇電視架嘛！」

 

潼潼亂按電腦鍵盤，電腦自己關機。潼潼跟住再開番電腦，潼潼媽警告潼潼唔好再亂按鍵盤。

潼潼：「我無呀！我幫你開番電腦丫嘛！」

 

潼潼跟姐姐去超級巿場。

潼潼：「你買餅呀？你病好番未呀？」

 

在超級巿場。

潼潼：「呢個係咪曲奇呀？」

姐姐：「係呀！」

潼潼：「屋企無呀？咁買丫！」

 

係屋企拿住曲奇餅。

潼潼：「一塊丫，唔該！一塊丫，一塊就夠架喇！」

 

潼潼：「我無咳喇！」

無咳就好啦！

潼潼：「我無咳喇！食雪糕！」

 

一時間醒唔起太多，總之好似突然比前以懂得更多，尤其是頂嘴。