以前潼潼媽好睇唔過眼d小朋友番學放學都係將書包交俾外傭拎。我明白小學既書包有時又的確係好重，但係呢個始終係學生既責任。
由潼潼收到書包既第一日，我已經話俾佢知呢個係佢既書包，要佢自己孭書包番學。潼潼第一次見書包，當然開開心心咁自己要孭住。到正式開學，更加把握時機，要潼潼自己孭住書包上學。可幸既係，直到而家，潼潼都好喜歡自己孭書包，從來唔會主動將孭書包既責任交俾姐姐。
不過嫲嫲就經常投訴潼潼既書包太重，話怕影響脊骨生長，成日話要姐姐幫潼潼拎書包，我每次聽到都唔會理。心諗，重極入面只係兩本薄薄既書，一件外套，實在唔覺得呢個重量會對潼潼係一個重沉負擔，極其量只可說係一種磨練。我絕對唔希望潼潼擁有既係玻璃一樣一碰即碎﹑要小心保護既身體。
好開心潼潼會自己孭書包，亦希望以後如是。我唔要你成為新一代既「港孩」
沒有留言:
張貼留言