潼潼差唔多連續放左兩個星期假!我地準備聽日開始俾潼潼番學。潼潼媽臨急抱佛腳(呢個習慣認真差)幫潼潼趕番之前學校派既功課。
學校有一份「好人好事」既家課,要記錄小朋友所做過既一件好事。過去兩個星期既主題係「自律及責任」,潼潼媽打算記錄潼潼幫手褶被既事情。功課可以用文字/圖片/相片表達。潼潼咁細,當然唔會用文字表達,所以我本來準備畫圖後由潼潼填色。點知潼潼媽畫功太差,畫出黎既嚇死人,根本睇唔出畫乜。最後決定用相片表示。
諗住臨時影張棉被相「頂包」,咁岩潼潼係隔離,叫佢坐側邊扮下樣。點知個衰妹無端端咁好心情,擺個可愛姿勢出黎。
就用左呢張相交功課!真係攞哂命!老師見到實笑死啦!
佢似坐被多過摺被噃 話時話, 潼潼好似瘦咗咁.
回覆刪除[版主回覆01/26/2010 00:34:00]不嬲都唔肥,唔肯食,仲要病,無計。我正催眠(又用呢招?)緊佢要乖乖食多d野。