再見吳老師

今日學校既吳老師打電話俾我，交待潼潼係學校既狀況。

老師：潼潼已經無鼻水同咳，請你放心，係學校食飯亦回復番胃口。係學校老師會同小朋友講要食得乾淨同專心。潼潼食完飯時會話「我食哂喇！我好專心呀！」

聽到老師複述潼潼呢句說話，我就諗起潼潼平時係屋企食哂飯認叻既表情，真係好攪笑。

尋日交低朱古力俾潼潼送俾老師，就係送俾呢位吳老師，但潼潼最後都無送到。我唔認為潼潼係因為唔記得而無送，反而覺得佢可能怕醜。

今日收到學校通告話呢位吳老師做到1月31日就會離職。潼潼剛開學既時候，「吳老師」係潼潼第一個會係我地面前提及既人，而平時佢提得最多既人亦係吳老師，可見潼潼真係好喜歡呢位老師。而家吳老師要走，真係有點擔心，係咪要向潼潼做定心理輔導呢?另一方面，開學至今，已經先後有兩位潼潼班入面既老師要離職，令我開始對呢間學校失去信心，唔知呢間學校係咪存在住D咩問題。