三歲生日

呢日係潼潼既生日，亦都唔駛番學。因為生日所以唔番學？緊係唔係啦！係因為潼潼番到學校之後，學校幫佢量體溫時話潼潼有發燒，所以唔俾佢番學。

其實我地好懷疑係因為潼潼著太多衫太熱，所以會量到佢發燒。不過潼潼又真係病左好耐都未完完全全咁好番，所以既然學校唔俾佢番學，咁就同佢睇多次醫生啦。

去到診所探熱潼潼都無燒，不過醫生就話潼潼氣管炎，而且好多痰，要俾佢聞氣，等D痰鬆番D，而且話要覆診。

雖然話病，但係潼潼都好精神。夜晚同佢去和民食完飯後再番屋企切佢既生日蛋糕。今次既生日蛋糕係潼潼揀既，有佢喜愛既KERORO。

蠟燭未插好﹑生日歌未唱，潼潼已經動手。KERORO同滑梯裝飾都俾佢拆左出黎玩。

擺番好，唱歌吹蠟燭先！潼潼呢排講野醒左，吹蠟燭時爸爸怕佢唔夠力吹熄蠟燭，在旁幫一把。點知潼潼識得埋怨爸爸：「你吹熄左我支蠟燭呀！」爸爸話係潼潼自己吹熄架，但佢堅持係爸爸吹熄左佢支蠟燭。結果要點番著支蠟燭再吹多次。

潼潼要切蛋糕，其實係貪食。

連KERORO都咬埋。

潼潼未識許願。媽媽就祝你身體健康，早日康復啦!