甜甜話

中國人一向比較含蓄，唔似得外國人咁識得用言語表達自己的愛。唔記得係邊度睇過一篇文章，其中講述一個媽媽向另外一個媽媽示範佢同佢女兒間點樣撒嬌。這個撒嬌最初令人靦腆，但多練習後就像魔法一樣，讓人溫暖。

自從之前係手冊度睇到老師留言，話潼潼竟然會向老師講「我好鐘意你呀!」我都慌死蝕底咁要潼潼對我講「我好鐘意你呀!」。有時係我先講「我好鐘意潼潼架!」然後潼潼又會跟住講「我都好鐘意媽媽!」聽後當然開心(旁人則聽到打震)，但我志不在此，而在於長遠性的潛移默化。 (潼潼媽在奸笑)

這行動仍未終止，間中為之，然後再另添新藥。

最近買的一隻CD內有經典兒歌「親親嗲啲」，入面有一段兩父子既讀白：

「你錫唔錫嗲啲呀寶寶？」「錫！」

每次唱到呢度我都問潼潼「你錫唔錫媽媽呀？」潼潼當然要跟住讀白答「錫！」（潼潼媽又得逞喇！）有時潼潼又會跟住問「咁你錫唔錫潼潼呀？」

不過個鬼靈精，試過我問佢錫唔錫媽媽既時候，佢會答「唔錫！」