潼潼第一個中秋節無乜節目,只係一早去左嫲嫲屋企,食完夜晚飯之後就歸家。番到屋企樓下雖然好熱鬧,但係潼潼亦無表現得興奮,所以走左一圈就番屋企訓覺喇!
第二日假期,緊係要潼潼出去行下補番數啦!首先我地出左去醫左五臟廟先。潼潼又係例牌咁,見到我地食野佢就為食架喇!我地都習慣哂,所以早有準備,俾塊餅餅佢,等佢乖乖坐係度。
之後我地去左遊樂場玩。最初潼潼對玩滑梯都幾開心架。不過爸爸話俾佢試下呢個高d既滑梯。結果呢....?
咪就係嚇親潼潼囉!佢滑落黎果陣眯埋哂對眼呢!到而家潼潼依然好怕玩滑梯。
沒有留言:
張貼留言