呢排潼潼總係唔知點解會半夜起來。前晚情況更是厲害。
前晚我大約12點訓覺，好夢正甜，突然聽到潼潼既喊聲，我如常的抱起她，以為稍為哄佢一下就會再次入睡，點知佢繼續喊，為左怕吵醒老公，所以抱左出廳。出到廳稍為望一望個鐘，
原來只係點幾兩點鐘，我仲以為佢半夜三四點醒一醒，點知原來仲咁「早」就起身。我半挨係梳化，自己一邊訓一邊哄佢訓，等佢訓著再抱番入房訓。
之後唔知幾點佢又醒左，呢次較好，係床度拍拍佢又訓著
訓訓下．．． 又聽到潼潼喊喇！
哄完佢訓再望下個鐘，４點．．．． 潼潼呀！你做乜醒得咁密，仲要每次都喊住黎醒，想唔起身都唔得。
之後唔知幾多點，潼潼又喊，我真係投降喇！
唯有叫姐姐起身幫手洪潼潼．．． 我入番房訓覺喇．．．
真係好鬼眼訓，好耐未試過一晚要起身咁多次。經過呢一晚之後，我尋晚好有心機咁同潼潼進行洗腦催眠，幸好，尋晚總算有覺好訓，佢係一覺訓到第二日七點呢！
沒有留言:
張貼留言