潼潼喜歡玩電話,我從來唔阻止佢,怕會打擊佢探索精神同埋對新事物既求知慾。
雖然係咁,我都會係旁邊監視住佢玩電話,怕佢會錯撥電話,不時幫佢掛線。今晚潼潼又拎個電話黎「練習」,將電話放係耳後「聽電話」,然後又是「嘟嘟嘟嘟」的按了幾下。我跟以往一樣,取去佢手上既電話為佢掛線,取消之前既不完整撥號。我一邊按掛線制,視線亦同時掃過了電話的顯示屏 - "9997"???? 係我掛線前,我隱約聽到電話另一邊傳黎「喂」的一聲,之後就被我斷了線....
不消一會,我家電話響起了,我心知不妙,對方仍未有任何說話前,我先講話:
「唔好意思呀!小朋友唔小心按了電話。」
「咁無事發生丫嘛?」
「無呀!」
「咁小心d睇住小朋友喇!」
「好呀!唔好意思!!」(再次道歉)
唉... 潼潼.... 你是對今天早上爸爸媽媽給你責罵及打手手感到不滿,所以要報警求助嗎?
沒有留言:
張貼留言