0歲天才教育

大約由1997年開始接觸水晶，跟住係香薰﹑靈氣﹑NLP等，對於宇宙能量/自然療法叫做有少許認識，而以上一切其實都有相類似既理論。

囡囡出世後我開始購買育兒書籍，其實對於點樣教育小孩成為拔尖我倒沒有太大興趣，我只想佢一生快樂無憂，所謂樹大招風，人企得高並不等於過得快活。我喜歡看日本七田真的育兒書籍，尤其係佢既右腦教育概念，有關理論跟以上既自然療法有相類似既地方，所以我亦好受落。呢本書所謂「天才教育」，唔係話要教育小朋友成為成績優良既資優生，就如七田真所講，不斷充塞知識並唔係最重要，最重要既係個人品質既培養同埋發展佢所長。

我覺得我知道七田真實在係遲左一點點，有Ｄ事情早應該由胎兒時期開始。不過我都希望而家既努力能得到成績。呢本書，我覺得係值得睇既。