爬樓梯

小朋友要多爬，除左係地上爬行，仲要俾佢嘗試爬樓梯，爬過障礙物，爬高爬低。我之前都苦惱邊度有樓梯俾潼潼爬。　呢兩日帶潼潼出街散步，先醒起屋苑入面既滑梯組合都幾適合潼潼學爬。

最初潼潼係唔願爬，竟然嘗試學我地大人咁扶住樓梯邊「行」上去。

後黎我同姐姐一齊努力要潼潼爬上去，加埋自己試範唔用走，用爬的上樓梯，潼潼終於肯爬。

不過潼潼爬左兩級已經唔肯爬，最後又要出動我部手提電話黎引佢．．．．．　　幸好，潼潼越爬越起勁。

潼潼爬樓梯既時候，都只係右腳用力，而左腳只係被拖住上去。（好似跛既一樣　）後黎佢爬滑梯，因為一隻腳實在唔夠力，佢先嘗試用埋左腳，叫做好一ｄ啦．．．．（不過都唔係用腳趾將身體推前，只係用腳背貼住滑梯）

係樓下玩左好耐，潼潼番到屋企真係從未試過咁好訓呢！