潼潼八個月大喇！時間實在過得太快！
八個月大既潼潼識得使脾氣喇！
每有唔滿意既就會大叫同喊以表示不滿
，開始有ｄ擔心唔知會唔會教出個牛王妹出黎。
不過，有D野係我地唔俾佢做既，佢都會開始明白，我地望住佢佢就會停。
八個月大既潼潼，係飲食方面進展順利，基本上乜野都想食，乜野都要食，乜野都可以食，無出現任何敏感徵狀，而且食得多又快，都總算托賴，希望第日餵佢食飯時都唔駛通屋走。
行動力亦算理想，潼潼好喜歡企，有時仲會見到佢腳震震，好似想學人開步走添。潼潼呀！爬多Ｄ有益呀！唔好咁心急啦，第日有排你行呀！到時你唔好要我抱就得喇！另外佢仲學會拍手，將任何物件放係耳邊扮打電話
，仲有.... 好叻.... 玩口水
講野呢．．． 潼潼會叫媽媽同MUM MUM，仲有D奇怪既讀音。不過到我叫佢叫我做媽媽既時候，佢偏偏好有性格咁唔肯講。
不過較差勁既係，潼潼到而家都未出過半隻牙仔。潼潼，點解你咁為食都唔快D出牙仔既？你出左牙仔咪可以食到更多美食囉！
沒有留言:
張貼留言