第一次翻身

 

6月1日星期五

好耐未試過可以咁早放工喇！我好心急一放工就盡快番屋企陪潼潼。一番到屋企就聽到好消息：工人姐姐話我知潼潼今日識翻身喇！仲做左3次。可能潼潼都為自己o既成功感到非常高興，工人姐姐話佢轉到身之後笑得好開心，笑到卡卡聲咁話。

我聽到潼潼咁叻當然好開心，即刻同工人姐姐入房，要潼潼再「表演」俾我睇。我睇見潼潼o既腳仔好似田雞腳咁踢左幾下之後，跟住真係好輕易咁轉左身。嘩~~ 潼潼得左喇!!!  不過仲係「摘」住隻手仔未識拎番出黎。

未能夠正正式式咁體驗潼潼o既第一次，我始終覺得有點可惜。希望以後有更多o既機會同潼潼經歷佢o既第一次。