潼潼出世以黎，未真正咁帶佢出去遊玩，我怕佢太少外出而養成孤辟既性格。所以潼潼媽開始要好好為潼潼安排一下假期既活動喇！呢個端午節假期，我就帶左潼潼去朋友屋企。朋友有一個兩歲大既小女兒津津，咁樣潼潼就佢可以有機會接觸一下其它小朋友，學習同人相處。
因為我想同潼潼既關係可以親密一d，製造更多既親子時間，所以今次去朋友家並無帶同工人姐姐。估唔到無左姐姐既幫忙，連行去地鐵站既路都變得咁漫長。不過我仍然堅持住我既做法。
潼潼見到朋友兩夫婦，初初都顯得有點不安，但係上到佢地屋企見到津津姐姐同埋咁多玩具之後，當堂生猛哂，而且仲亳不客氣，真係當左自己屋企咁，肆無忌憚係度發脾四添。
不過，最後佢地都係玩得好開心既。
今次既「探訪活動」，我完全負責照顧潼潼，拍攝既重任都交由朋友代勞喇！大家想睇相的話就要稍移玉步喇！
希望遲d可以有更多機會帶潼潼到出外遊玩，或到郊外走走就好喇！
遲d帶潼潼去騎馬馬, 去冒險樂園一齊玩!
回覆刪除估唔到潼潼都識玩咁多野wor~~下次可以約埋一齊去ocean park wor
回覆刪除潼潼：有得玩，好開心呀！！！！
回覆刪除去海洋公園好呀, 我有張全年入場快到期! 約埋怡怡媽媽先!
回覆刪除幾時幾時~~ 好耐無去過ocean park喇，遲d潼潼識坐去ocean park仲好玩。yeah~~
回覆刪除我好想去嫁,我男朋友都話好,不過我唔想2個人去,同埋有d怕晒 如果咁多人去好熱鬧wor,好正wor~ 如果去,我就問我個妹借個証黎用下先 haha
回覆刪除其實我都怕好熱，而且要顧埋個囡都好多野要準備好辛苦。如果等多幾個月，潼潼又大d，天氣又涼d先去，你地會唔會嫌太遲呢?
回覆刪除只要早D講,同埋我個時唔係去旅行,應該無乜問題 不過你會唔會帶埋個工人去? 如果唔帶你就無得玩嫁啦WOR..
回覆刪除這個嘛．．．．．
回覆刪除其實唔會太熱，因為我地可以針對小朋友岩去既展館(好似海洋館, 水魚館)。我帶住津津唔會玩機動遊戲，而且我有甲狀腺後都無膽再玩。兒童皇國津津都未必玩, 我只想帶津津去睇魚魚同埋睇表演。所以唔會太晒既! 潼潼只係帶奶飲都算好啦, 遲D要帶粥仲麻煩。
回覆刪除越講我越想去...因為真係好耐都無去過喇...
回覆刪除亞茄, 大家一齊去海洋公園, 好主意呀! 我將要搬屋好忙, 我諗最快要8月至得閒喇! 另外, 情情講得啱架, 而家日日三十幾度, 烈日當空. 雖然話可以stay响有冷氣地方, 但總要在烈日之下行嚟行去. 尤其係兒童王國, 响open area. 咁行法就中暑都有之, 唔好制呀. 津津同潼潼太細喇. 大人都頂唔順架!
回覆刪除好似要帶粥仔又係真係麻煩d... 但係太熱又唔好..... 點算好呢....??
回覆刪除