停課了

之前講潼潼番學時喊既網誌有四個回應，其中三個回應入面都出現四個字：「唔駛擔心」。或者我真係太小題大做。

就如大家所講，潼潼真係無乜野，只係星期一喊過，之後兩日番學都好好。學校仲延長左番學既時間，直到中午食埋午飯先放學。

今日潼潼要提早番學，由九點半提早到八點九 - 即係平時番學既時間早少少，我諗係俾小朋友食埋早餐就岩岩好九點開始上課。不過.......  潼潼今日開始停課了。

事緣潼潼同班既同學仔之中，有一個小朋友被確疹患上H1N!豬流感，聽聞入左醫院 (後黎得學校更正只係到過醫院，並唔需要留醫)。學校雖然無停課，不過就由家長自己決定係咪俾小朋友繼續上課。

老實講，我見潼潼剛適應上幼兒園，我真係唔係好想係呢個時候要佢停課。不過為著要向各方長輩交待，都決定暫停兩日唔俾潼潼番學住。

下個星期一再戴住口罩上學去喇!!