說話的進步

唔知係咪因為潼潼好少機會接觸其它人，亦好少睇電視，所以潼潼講野不嬲都唔算叻。不過番左學只係一個多星期，講野已經唔同左，說話有時真係嚇親人。

 

三號風球的晚上，房門突然被風吹埋左，潼潼媽不期然「嘩」一聲。

潼潼：媽媽，嚇親你呀？

*****************************

食早餐既時候，潼潼媽食完一個包，再拎第二個。

潼潼：你食左一個喇喎！

潼潼：呢個潼潼架！（潼潼都未食完佢自己個包就霸住哂）

姐姐同潼潼講仲有包包，唔夠再整囉！

潼潼：呢個爸爸架！（爸爸都番左工啦！）

我再拎一個包食既時候

潼潼：你唔好食咁多丫！

 

我知好多好似潼潼咁大既小朋友講野已經好叻，上面既說話其實唔算得乜野。不過對於潼潼黎講，佢會咁清楚表達自己既意思，已經係一個好大既進步。