開始番學兩週多，不過因為學校有師生染上豬流感而同潼潼停課兩天，另外因為颱風又停課一天，潼潼實在番學既日子好似唔係好多。
潼潼番學一段時間，除左有一日有喊過要搵姐姐，其它一切都算順利。而番學時間亦由最初每天上課兩小時，到目前已經增長到由早上八點九至下午兩點三先放學。期間潼潼要係學校食早點﹑午飯，同埋午睡。尋日係潼潼第一次係學校訓覺，不過佢無真係訓到，仲識得同老師講：「我訓唔著呀！」
而今日呢，問番潼潼佢係學校有無訓覺，佢依然係話訓唔著。不過聽講佢都有係學校訓過一陣。都幾好，訓醒都無扭計。
不過聽日潼潼又有新挑戰喇，因為姐姐放大假番老家。今晚潼潼訓覺前都有少少扭計要搵姐姐。姐姐唔係度，唔知會唔會影響佢聽日番學既心情呢？
姐姐係咪第一次放假? 咁邊個睇住潼潼呀?
回覆刪除[版主回覆09/21/2009 00:17:00]我湊潼潼番學後番工，之後婆婆/嫲嫲湊潼潼放學。