姐姐放假，潼潼媽好唔得閒，都無乜時間寫blog。不過.. 我尋晚真係好嬲，好想寫下。
在我個人黎講，其實都唔係咁想咁細個小朋友就讀全日班。不過決定俾潼潼番全日班係有兩大原因。
- 姐姐下午煮俾潼潼既一餐飯實在太求其，見過佢只係齋煎一條魚，乜野配料都無。我自己睇見都無食慾。所以寧願潼潼係學校食飯，起碼有均衡膳食。
- 由於婆婆同嫲嫲黎探潼潼既時間好唔一致，令到潼潼既生活好唔規律。試過午後五﹑六點先訓覺，跟住訓醒又無心機食飯，兼且攪到好夜先食飯同訓覺，咁對身體都唔好。
就係因為呢兩個原因，我決定要俾潼潼番全日 - 雖然都有d心痛。
尋晚發生左件事令到我好嬲，令我覺得點可以唔俾潼潼番全日呢?
由於姐姐放假，今個星期就由嫲嫲接潼潼放學。我晚上八點九放工番到屋企，嫲嫲同潼潼沖緊涼，檯上面就有一大碗潼潼既飯，望落去幾乎係未食過。問下爸爸，爸爸話潼潼岩岩訓醒，可能係咁而無胃口食飯。嫲嫲:「頭先食左兩舊瓜。」「不過佢三點幾果陣食左好大碗粉架喇。」
點解會三點幾黎食一大碗粉?咁邊會有胃口食飯?
點解咁晏先訓覺?攪到咁夜食飯?
係咪三點鐘食左粉咁就可以夜晚唔食野就訓覺至到第二朝?
我真係好嬲好嬲!!! 識唔識湊小朋友架?雖然兩個老人家都唔想潼潼番全日而見唔到個孫，不過點可以俾呢d事情再發生呀!!!!!
沒有留言:
張貼留言