如何教寶寶閱讀

早前曾經想過買呢本書，之後又放棄左。最近得到豬媽鼓勵同支持，我又振作起黎，決定買呢本書，準備好好咁教潼潼閱讀。

呢本書入面所提到既方法，其實係開心家庭網入面都有幾詳細既介紹。不過網主仍然建議係<如何教寶寶>系列既書籍之中起碼買呢本書睇睇。原因係書入面教大家方法之前，都有相當既篇幅係講述格連杜曼既教育理念。

我本身睇過好幾本關於0歲教育既書籍。其中七田真既書入面亦多次引用格連杜曼同蒙特梭利的教育理念同方法，所以我對呢本書入面所講既並不感到陌生。好老實，如果你想用杜曼博士既方法教自己既小朋友，而之前又對幼兒教育做過唔少功課的話，我覺得其實係唔需要買呢本書。

不過話說回頭，呢本書我係田園買亦只不過40蚊，想有一書旁身的話亦未嘗不可。