東奔西跑

呢日潼潼好忙碌呀！媽媽準備帶潼潼出席今晚既飯局，等各位鄉親父老見下潼潼之餘，都想潼潼多ｄ出城睇多ｄ，學多ｄ。

第一站係由姐姐帶潼潼上黎媽媽公司先。潼潼已經係第3次上黎媽媽公司喇！唔知潼潼係咪對媽媽公司仲有印象，黎到既表現都唔算太差，好快就同子Ｑ媽媽玩得好投入喇！

跟住約左四毫叔叔上我老闆屋企幫手整部電腦。潼潼，我地又要出發喇！可能潼潼岩岩學識行，所以好鐘意走。上到我老細屋企，又係周圍走周圍跑。我地逼留左大約一個小時多Ｄ，等潼潼係度食埋飯仔，我地就出發去飯局。潼潼，又搭車走喇！

去到食飯，潼潼表現唔太差，仲同貓秘書（叫秘書姐姐可能會誤會喎）玩都無扭計添。

今日全程係咁走黎走去，唔知係咪因為咁太興奮，潼潼番到屋企都唔肯停低，繼續走黎走去。拎住條手巾好似大姈姐咁走左成晚，又拎住個小包包繼續四圍走。

潼潼都真係開始大個女喇！都鐘意出街，出街又會四圍望，而且仲識得同其它人玩添。