走了一段路

今日又帶潼潼去公園度玩喇！潼潼如常的係公園玩滑梯玩得好開心，自己由滑梯滑落黎一Ｄ都唔驚，笑得好開心。反而好多比潼潼年紀還要大既小朋友仍然要大人係旁邊帶住玩滑梯。

跟住我地又俾潼潼係地上面學走路。或者因為地上面都鋪左防滑軟墊，所以潼潼行得好好，走左好遠路。其它人見到潼潼未足10個月都行得咁好，都不停咁讚潼潼叻女呢！

我係度想話，其實潼潼唔係特別叻女，可能而家D家長實在太保護自己既小朋友，有時多D俾佢地嘗試，多D鼓勵，小朋友個個都可以做得好好架！

不過潼潼最大既缺點就係膽小。本來佢一定都走得好好，只係跌過一次，碰到粒粒狀既軟墊之後就好驚，唔肯再係地上走。

番黎既時候經過商場，碰巧撞到兩位小丑哥哥，影番張相先。可惜潼潼已經好眼訓喇，一Ｄ表情都無。