遊史諾比公園

知道西田做緊減價，我地打算去為潼潼購物。但係去到西田，發覺實在太多人喇，擠得水泄不通，太嚇人喇。所以最後我地乜都無買到，只係想住盡快離開果度。

有少少失望。一場黎到，點可以就咁就走呢？所以我地就帶潼潼去史諾比公園。其實去到已經下午五點鐘，潼潼又訓緊覺，兼且潼潼又係唔願落地，所以主要都只係同潼潼玩滑梯咋。

難得入到沙田咁遠，點可以唔同嫲嫲食飯呢？我地同左嫲嫲去打邊爐，潼潼仲會少有地同搵隔離檯個姐姐玩添！

咁樣無無聊聊又無左一日喇！