潼潼呢個年齡特別喜愛為自己編造借口,佢地其實無意識講大話,只係自我保護既自然反應。不過潼潼借口真係幾多,連老師都係咁講,但係d借口都幾亂黎。
事件一
俾塊曲奇佢食,佢又話唔食,但之後又拎左一塊話要試下。
潼潼媽:你又話唔食?
潼潼:我試下唶! 你睇下我個口好細,係試下唶! 個口好大先係食。
事件二
姐姐投訴潼潼放學去公園玩極都唔肯走
潼潼:係個藍色衫果個男仔唔俾我走呀!
事件三
潼潼抖動身體扭計
潼潼媽:你做咩呀?
潼潼:震震震囉!
潼潼媽:做咩震震震
潼潼:我凍丫嘛!
事件四
同潼潼出街食緊野,佢不斷重複又重複地要求想睇之前YOUTUBE睇過既一首兒歌VIDEO。
潼潼:媽me~ 我想睇kulala!.................... 媽me~~~~~~
潼潼媽不耐煩地:我講左好多次喇!我話係邊度先有得睇呀?
潼潼:kulala係咪「我愛洗澡」呀?
潼潼媽:係!
潼潼:我係想問個名咋!
潼潼:我試下唶! 你睇下我個口好細,係試下唶! 個口好大先係食。
回覆刪除潼潼:我係想問個名咋!
嘩, 潼潼轉數快所以應對都好快! 大人都未必有佢咁叻! 其實佢語言天份好高呢!
轉數快係好事呀~
回覆刪除