呢日聽到潼潼自言自言係度講故事。
從前有個白雪公主,佢唔鐘意沖涼。
佢見到小矮人,問小矮人:你可唔可以同我玩呀?
小矮人話:唔可以呀!
(白雪公主)點解呀?
(小矮人)因為你好臭!
跟住白雪公主見到大個人 (潼潼真係話「大個人」)
(白雪公主)你可唔可以同我玩呀?
(大個人)唔可以!
(大個人)因為你好臭囉!
咁白雪公主去沖涼,就同小矮人好開心咁玩捉依因喇!
佢講個故事時講得好流暢,令我有點驚訝。不過到當我要求佢再講故事俾我聽既時候,就講到亂哂龍兼結結巴巴。
我估呢個故事係潼潼响老師度學返嚟, 佢能夠講到咁清楚有條理即係表示佢上堂專心, 記性好兼且模仿力強. 值得慶祝啦! [版主回覆03/08/2011 01:32:00]我剩係諗到佢識講故事,無諗到咁多野喎!
我估呢個故事係潼潼响老師度學返嚟, 佢能夠講到咁清楚有條理即係表示佢上堂專心, 記性好兼且模仿力強. 值得慶祝啦!
回覆刪除[版主回覆03/08/2011 01:32:00]我剩係諗到佢識講故事,無諗到咁多野喎!