寫英文字

「專家」話小朋友學寫字先要配合手部小肌既發展，所以我從來無勉強潼潼學寫字。

「專家」話小朋友對各方面既發展都有各自既敏感期 。想要好好培養小朋友，就要懂得把握佢地既敏感期。

係學寫字方面，學校係有做線條練習，不過懶媽媽就無額外要佢多練習。

不過呢日潼潼就無端端自發地寫左幾個英文字。

姐姐話潼潼自己係度寫英文字母，唔識寫時就自己走去門口貼住既字母表度，用手指指劃住，之後再自己坐番埋位寫。

或者，潼潼已到左學習寫字既敏感期。

 

後話:  雖然我有即時誇讚潼潼，但之後幾日潼潼都唔肯提起筆寫字喇。