潼潼學校每個學年有三次評估報告家長會，呢日係第二次既家長會。
今次潼潼既評估報告依然理想，幾乎無乜野可以批評。不過明顯地潼潼係學校既表現係比屋企好。睇下?左邊係潼潼媽既評分，右邊係老師對潼潼係學校既表現既評分，真係相差太遠了。當我提到潼潼係屋企既行為時，老師多數既回應係：「係咩? 佢係學校又無試過咁喎．．．．」
整個會談老師提出兩個問題係：
1. 潼潼最近一星期開始會同同學仔搶玩具。我諗呢個不難解決
2. 老師都發現潼潼經常無故跌倒。呢點其實連跳舞老師都提出過。以我觀察，潼潼好多時跌低，都係好慢動作咁自己跌係地上，連我都唔清楚佢究竟係佢自己貪玩，還是真係跌倒。老師話如果有需要，佢可以寫信俾我地再去健康院作大肌肉/平衡力方面既針對性檢查。
唔......... 
潼潼真叻女, 扺錫!
回覆刪除如果真係要做評估, 咁就要盡快喇, 事關排見醫生 / 治療師有要好長時間架. 或者做完冇事呢!
[版主回覆03/26/2011 00:09:00]我想在觀察下先，學老師話齋，平時玩攀爬架又無問題架喎!都唔知係咪個衰妹整古做怪。