由姐姐覆述 :
嫲嫲準備帶潼潼出去行街，潼潼又要帶(demo)電話﹑又要帶相機(其實係麥記既kitty玩具，絕對唔係玩具相機)。
嫲嫲 : 唔駛帶相機啦，你帶左電話咪影到相囉 !
潼潼 : 唔得呀! 成日用電話影相會好易壞架 !
我地無帶相機出街既時候都會用電話影相，唔明潼潼點解會識得咁講。
潼潼學校講故事前都會唱一段歌仔同埋有以下一段讀白
「講故事，不說話，安安靜靜來坐下，我們誰也不說話，請 xxx 講故事吧!」
我係屋企同潼潼講故事既時候，佢會將 xxx 配上為 「媽me」; 但我要求潼潼講故事既時候，亦會將xxx配上潼潼既名字。
今晚潼潼又話要講故事，我話不如唔講故事，唱故事歌啦 !
潼潼 : 唔好，我唱啦! 廢事你又話「請潼潼講故事」
沒有留言:
張貼留言