隨住潼潼年紀漸長,辯駁能力亦漸高。有時我聽到潼潼既說話都感到好詑異,佢居然會懂得咁樣回應。辯駁能力絕對比潼潼媽強呢!
2010年7月12日晚上
我同潼潼爸晚飯既時候,爸爸嫌D飯菜唔岩胃口,就叫外傭煎D火腿同蟹柳出黎。潼潼見到有火腿又話要食(潼潼已食完飯)。
潼潼爸:「你要食火腿呀?你係波兒呀?」
潼潼:「你都食火腿,你係咪波兒丫你?」
笑死我!!!潼潼呢句說話可愛之處,係語氣無半點忿怒或不悅,係好平淡咁反問爸爸,所以並唔覺得佢係無禮貌。而爸爸呢,除左呆呆地笑亦未懂回應。
2010年7月14日晚上
潼潼要媽me陪佢入房訓覺,但係媽me偏要睇書唔啋佢。潼潼一怒就係媽me身邊用手拍打了一下(只打中空氣)。
我望潼潼一眼。潼潼:我都無打你,我摸下你唶!
潼潼爸: 「你係咪打媽me呀?」
潼潼: 「我都無打媽me,我摸下佢唶!」
潼潼爸: 「你無大力打媽me,但係你有無打媽me丫?你打媽me唔岩要講sorry!唔可以亂作藉口。............................................. (訓話一段) 」「咁你下次唔好咁喇! 知唔知呀?」
潼潼: 「知!」
俾著以前,故事到此為止。但係......
我同潼潼入房訓既時候,潼潼依然不忿氣:「媽me,我明明無打你,我係摸下你唶!」
我又再解釋:「你係無打媽me,不過你發脾氣嘛! ........... (又解釋)」
最後潼潼仍然不忿氣地hmm了一聲。
沒有留言:
張貼留言