怎樣取捨？

我家傭人差不多仲有半年就滿第四年既合約。佢一直以黎都算乖巧，不過做事就越漸懶散（外傭的通病），有時都幾激氣。加上四年約後要開始幫外傭供長期服務金，所以早已打算滿約後唔再續約。

不過我仍有所顧慮。由潼潼出生從醫院番屋企既第二日開始，姐姐就番工照顧佢。一齊生活咁耐，潼潼見佢既時間仲多過我地，潼潼都非常跟佢。而且潼潼既開朗性格，或多或少亦係受姐姐所薰陶。

潼潼學校有位老師一月份開始無做，潼潼到而家都仲間中會問：「聽日吳老師番唔番學？」我每次聽到佢呢個問題，我都會擔心如果姐姐離開，對潼潼做成既心理影響會有幾大。

究竟點抉擇好呢？要姐姐家事做得好，又要兼顧潼潼既心理成長，實在令人頭痛。