到左呢個年齡,小朋友既發展已經無咁明顯,所以都少左記錄潼潼既成長檔案。要想一想,才稍為想到一點點可以記錄落黎。
- 潼潼而家行樓梯開始可以自己兩腳輪流上樓梯喇!不過落樓梯仍要逐步行。
- 記得潼潼年頭入院時已經開始可以講簡單既故事(我講得比較多果一兩個故事)。最近先發現原來佢學校講故事前會唱歌仔同念句。潼潼媽就係咁借意要潼潼講故事俾我聽。時間許可的話,晚上就係我同潼潼分別講故事既時間。
得到怡怡媽既啟發,潼潼講故事既時候我通常都唔會多加意見。(所以由得佢亂講,你唔會聽得明佢講乜)
- 另外潼潼開始學習畫直線﹑橫線﹑同圓形,不過線條依然生硬。
- 會自己扣衫鈕
- 佢願意的時候會自行往刷牙,有時仲要閂埋門唔俾人入去幫手添!
- 講野有時依然係詞不達意,答非所問,同埋有童音。
不知不覺已經三歲四個月,潼潼係爸爸心目中依然頑劣,不過潼潼媽就覺得佢開始受教,感覺比兩歲時舒服好多喇!
哎吔, 錯過咗潻! 而家至睇見呢編博文呢.
回覆刪除睇段片, 潼潼開頭玩玩吓當然唔知講緊乜. 但講落清楚好多講得唔錯噃. 到而家, 佢係咪流暢咗好多呢?
[版主回覆07/19/2010 01:23:00]佢好多時都唔願係我面前講故事,講得好敷衍,不過有時會見到佢拎住本故事書自說自話囉!
哦, 小怡都係專門"反方向行走"呢~!
回覆刪除